2015 新加坡至檳城16天單車之旅 (Day 1 - 2)

自從2012年開始出外單車旅行，所到的都是自已熟悉的地方，例如台灣、日本、英國等。今次稍為跳出這個框框，將會到東南亞，第一段便是新加坡至馬來西亞的檳城。雖然去過新加坡及吉隆坡多次，但對馬來西亞這個國家認識不深。若果可以今次可以抵受東南亞嚴熱的天氣及路況，未來計劃是分階段去泰國曼谷，柬埔寨金邊及越南胡自明市，以河內為終點站。由新加坡起計，全程大約5,000公里。

檳城是馬來西亞北面最大的城市，亦是華人聚居的地方，保存了不少中國的傳統文化，再向北100多公里便是泰國了。

Day 1 - Hong Kong to Singapore

今日叫相熟的士司機去機場T2，乘坐JetStar，機票錢比國泰平一半，但要補錢寄行李、選位、輕膳等。以為個單車袋好耐用，但從的士後尾箱一拉出來已見有條大約8吋長的裂縫，無計可施下唯有比錢打包。服務員話我個單車袋太大要用兩個膠袋打包，承惠HK$170。

廉航一般會要A320或737，坐位都好窄，我補錢選咗1C，對住空姐坐。輕膳係叉燒飯，好鬼難食，另外有S$10 coupon喺機上買嘢。

 

新加坡樟宜機場不愧為世界第一機場，由落機至過移民局，到攞返部車去的士站只用了半小時，再用半小時坐的士已抵達預定的旅舍，車資S$30。

已經有20多年未住過青年旅舍，預定這間旅舍主要是店主本身是單車友，去過好多地方踩車，可以提供不少長途單車旅行的資料。當晚連我共有5位單車友，兩位泰國、壹位法國及壹位美國。後來了壹位英國，由於客滿需改住旁邊旅舍。

我預定是壹個4人房的床位，原價每晚S$25，車友半價S$12.5約HK$75，平到爛。但同幾個陌生人同房瞓其實都幾辛苦。

砌返部車時同個美國人傾計，佢部係Fat Bike，碳架及鈴，拿起手輕過我部車好多，估計10Kg以下。

Day 2 - Cycling in Singapore

今日騎行距離：20KM  總騎行距離：20KM

在旅舍旁大排檔食麵當早餐。

早上出去試踩，頭幾KM有點不妥，需調節剎制、把手角度等。我經過牛車水後轉出去新加坡河，過咗金沙及Gardens in the Bay後，便有單車徑去East Coast Park。去到10KM後便折返，來回約20KM。

晚上約了朋友出外食飯，由於今天是中秋節，牛車水附近街道都佈滿燈籠。