2018 Penang2Bangkok (檳城至曼谷) - 總結

今次旅程算是滿意，雖然途中有外胎損壞但未有影嚮行程。平均每日騎行100公里，與5年多前環台相比，這次爬坡不多，但天氣就十分炎熱。原本計劃有Plan B，若果行程有阻滯，有段路會坐火車，幸虧不需使用。

泰國是佛教國家，人比較友善。加上自己比較黑，有時覺得他們當我是泰國人，一開口便跟我講泰語。朋友都覺得壹個人獨自在泰國踩單車很危險，加上泰國人開車比較快。實際自已覺得很安全，大部份道路都有很寬的路肩。好多時退房只需將鎖匙放在房間就可以離開，在其他國家根本不可想像。

費用方面帶去的現金只用了一半，可能與大部份住宿是通過定房網站支付了。機票，酒店，餐飲及其他費用總共用了HK$10,000左右，每天約HK$600，跟以往去台灣差不多。分別為：

機票HK$3,600
酒店HK$2,400
飲食及其他HK$3,000
香港交通費HK$900

總共HK$9,900

Motorized CAT 963D Track Loader

自從砌過及改裝過幾套模型後，決定向高難度挑戰。選擇CAT 963D除了是與自己職業有關之外，尚有這個模型已經有人在網上發佈過，可以用作參考。數個在網上發表的作品中，以2012年Makorol發表的最神似，但只提供了20多張照片及壹段Youtube短片，並沒有提供Build Instruction。但有照片都好過無，起碼數磚頭大概都知道模型的尺寸，我的作品亦以此為藍本。

開始時真係無從開始，看完網上照片後定了壹大堆不同尺寸的Brick及Plate回來，一路砌一路定，前後定了四次及壹個月時間才定齊大部份所需的積木。

底盤
首先就是砌個底盤出來，玩過Technic模型的都應該知道難度不大。由於兩條履帶需獨立驅動，所以用上兩個M馬達來驅動及壹個PF控制器。

上座及駕駛室
難度不算太大，上座結構及駕駛室都不是食力部份，儘量用不同尺寸的Brick及Plate來加強結構的強度，甚至使用了透明指甲油去增加黏貼力。
反而用來推動鏟臂的兩條推杆及推動鏟斗的推杆的結構比較棘手。每組推杆都是由壹個M馬達驅動，通過壹個萬向軸聯接推杆，由於這幾支推杆需承擔鏟臂及錘斗的重量，所以整個結構必須要好穩固，這部份需用膠水來鞏固結構。

鏟臂及鏟斗
這部份看似簡單，其實要不斷嘗試鏟臂及鏟斗連接杆的尺寸，以便得出比較順滑的鏟臂升降及鏟斗前後傾的動作。

IR遙控系統
今次用了兩個PF接收器，用作控制兩條履帶，錘鏟臂升降及鏟斗前後傾的動作。壹個裝在機前，壹個機尾以節省機尾的空間。兩個發射器左邊那個控制鏟臂及鏟斗，右邊那個控制兩條履帶。電源由壹個小型電池盒提供，剛好可以放入機尾內。

SBrick Control
見有個士啤SBRick，於是著手改裝。壹個SBrick可以代替兩個PF控制器，可控制四個馬達。

2018 Penang2Bangkok (檳城至曼谷) (Day 14 - 16)

Day 14 - 曼谷休息

今天沒有什麼出去，只是在旅社附近走走。8點多去了旅社介紹那間單車店買紙箱，只有26吋單車嘅，比想要的短及窄。

放下紙箱走去唐人街吃早餐，大部分食魚翅的酒樓都未開，唯有食住粉麵先。除了日本的唐人街比較企理之後，印象中其他國家嘅唐人街都覺得好雜。不過曼谷唐人街以金舖最多，買金好似街市那麼多人。

曼谷唐人街

曼谷唐人街有很多金舖

金舖門庭若市

這種鐵皮玩具已很少見

唐人街附近有樓宇復修工程，幾年後應有壹番新景象

回去開始打包部單車，雖然紙箱無想像咁長，但仍然唔使拆後轆，不過就唔夠位放壹個尾袋。整個下午都在旅社，又無得開冷氣，唯有間中出去買凍嘢飲。

旅社附近商場

5點許頂唔順去附近商埸行，成個場好似葵芳、荃灣商場差不多，但有熟悉嘅KFC及麥當奴。食炸雞做晚餐，杧果綿花冰做甜品，正。

Day 15 - 曼谷旅遊

今天是最後壹天喺曼谷，明早一早就要去機場。晨早8點幾就出門，先去玉佛寺及大皇宮行下，已經有很多遊客，入場費THB500。呢兩個星期見佛寺都不少，所以好快就返出來。

大皇宮內的玉佛寺

皇宮

跟著就去搭船轉BTS，船分好幾種，一般站站停只需THB15，快船30-40左右。坐BTS去Central World，再行去四面佛方向睇下。其實無買到嘢，只是好幾年無來過想睇下變成點。

早上只食了一些水果作早餐，於是再坐船去唐人街附近嘅碼頭，行15分鐘去食魚翅當午餐。㨂咗間小店壹人份根據魚翅尺寸分THB300/500/800壹煲，份量都唔少可以裝到三碗。

Central World

四面佛

曼谷的交通

魚翅做午餐

曼谷中午實在太熟，食完飯返旅社休息。晚上去15分鐘路程嘅Khaosan Road食飯，都幾熱鬧。Khaosan Road又叫背包客天堂，主要是住宿及啤酒比較便宜，但現在已變成遊客區，價錢只是平均，不算平宜。

晚上的Khaosan Road，頗為熱鬧

Day 16 - Bangkok to Hong Kong

今天約了部的士8點去機場，旅社怕普通的士放不下我個單車紙箱，叫咗部Wish，加上定車費及路費，比普通的士貴很多。稍後那位新加坡女仕傳來照片，她去舊機場個紙箱比我嘅長少少都塞得入普通的士後座。

快到機場了

提前了兩個半小時去到機場，地勤幫我辦Check-in都用咗15分鐘，重好小心填表要我簽免責文件。雖然已經攞咗priority lane pass，排隊過安檢都用咗半小時。

過了關用15分鐘買手信，就去Lounge食早餐。由於我買的是單程票，商務客位只比經濟貴300蚊，我相信大家都知點選擇。

在Buiness Class Lounge吃早餐

抵達香港了

香港航空商務位其實同CX差不多，但娛樂及餐飲水平始終差少少。提前15分鐘抵達香港，出到來等件大行李用咗20多分鐘。推行李去的士站阿姐好好人話叫我等部大車，一樣價錢。

來咗部Ford，我同司機哥哥話不如試下放在後座，啱啱好，唔使將後座平放。唔使叫Van可以慳番去3號車場時間及佰多元。