喺酒店房間吃完早餐，八時左右便出發。用GPS導航有幾條路線選擇，行高速要150公里，路費4,000多円。行山路100多公里，可選國道或縣道，時間同行高速差不多。
我們選擇了最短的縣道，有幾個路段都是單線雙向鄉郊或山林小路，都幾刺激。最享受是有10多公里在高原上行駛，兩邊都是大草原，但有時看到山下景色。落山時有10多個髮夾彎，刺激之餘重好驚險，新手絕對不宜。
水前寺成趣園
開了兩個多小時車，卒之抵達今天第一個景點成趣園。公園本身嘅停車無開，附近亦有不少收費停車場，收費參差。
公園明治天皇曾經來過，內𥚃有荷稻神社及出水神社。今日在景點𥚃碰到不少同胞。
水前寺成趣園網址
城彩苑·櫻の小路
這個是不折不扣的旅遊景點，集飲食及手信購物於一身。場內九成都是同胞，其他壹成係香港人。地點就在熊本城下面，由於熊本城在2016年受地震破壞，現在復修，所以大部分中國遊客都會集中在此。去到本身停車場已滿，要泊去其他停車場。
城彩苑網址
Kumamon Square
唔好抱太大期望，只是個很細嘅精品店。內裡有個部長室，平日下午三時會與人見面。內裡的精品跟外邊不同，如果外邊見到喜歡的精品，先買咗再算。
午餐就在樓上百貨公司進食。
Kunamon Square Website
柳川觀光遊船河
由熊本開車去柳川壹小時多，去到酒店不到三時都可以check-in。定酒店時是定三人房，最後confirm時係三人房錢比咗壹間雙人房，壹間單人房。其實兩間都是雙人房，不過單人房只有壹個枕頭而已。車停喺酒店後面，要1,200円壹晚。
放下行李就行去附近乘船的地點，此較人多，去到剛好開了船，要等30分鐘之後。
成船10多人，有韓國、台灣及香港人。船伕大部分時間講日本話，夾雜一點英文及國語。全程船約壹小時，上岸處是舊日柳川藩主嘅居所。
松月乘船場網址
元祖本吉家蒸鰻魚晚餐
上咗船喺御花行咗一陣，就打車去本吉家食晚餐。不到2公里坐的士都要成仟日元，都幾貴。
本吉家最出名係蒸鰻魚，假日基本上都滿座。今天平日只是五時許，不用等位。餐廳餐牌好簡單，大部分同鰻魚有關。我們各自點了壹個蒸鰻魚定食及啤酒。最基本所定食3,700円，連稅要4,000多円了。
定了餐用要15-20分鐘才上枱，估計係即叫即蒸。食落都唔錯，係咁多次食鰻魚飯最好食的Top 5，但相對上次喺四萬十川食嘅野生鰻魚飯，尚差少少。
元祖本吉定網址
原本餐廳距離酒店不用10分鐘路程，但女兒要去Uniqlo及Daiso，行多15分鐘就到，在火車站附近。
