日期：2018年9月19日
行程：水木茂大道，水木茂紀念館，妖怪楽園，鬼太郎妖怪倉庫，海とくらしの史料館，水產物直売中心，大漁市場，御食処海心蟹食放題，Yumeminato Tower水木茂大道
今早的早餐比起過往幾天都好，選擇比較多。
水木茂大道由火車站延伸至水木茂紀念館，全長500米左右，兩旁街道及商店都佈置了以鬼太郎為主題。去到紀念館不到于9時半，尚未開館。
水木茂紀念館
紀念館開九點半，入場費700円，遊客300円。館內大部分地方，除了水木茂個人介紹外都可以拍照。
可能自己不是看鬼太郎長大，或者早一遊客不多，好快半小時左右已經看完。
妖怪楽園 / 鬼太郎妖怪倉庫
妖怪楽園喺紀念舘後面，是壹處售賣禮品、手信，食茶點及玩小遊戲的地方，有時間可以一去。
而妖怪倉庫就係鬼怪屋，聽講都適合兒童，我們只是在外邊看一看便走了。
海とくらしの史料館
返回酒店休息下，11時前就退房，免收停車場費。
開車10多分鐘便抵達，無乜人。入埸費400円，遊客只需100円。𥚃面有不少魚類標本、有關捕魚方法的介紹。耐心睇都可以消磨半小時，一般15-20分鐘已差不多。
水產物直売中心 / 大漁市場
喺食午飯前後去了這兩個市場。前者較接近境港市區，以售賣水產為主，有餐廳。其中有個海鮮檔可即場食用，已見有數人正在享用紅楚蟹。
大漁市場則較遠，除了水產外尚有手信、水果、和酒出售。價格沒有比較過，但見有香港人打包了水產。
 |
| 水產物直売中心 |
 |
| 大漁市場 |
御食処海心蟹食放題
自己與太太都不是大食之人，所以去食自助餐點食都回唔到本，覺得不值得。
今次去海心食紅楚蟹食放題，只是抱一種體驗嘅心態，知道無可能回本。紅楚蟹由9月開始至翌年6月供應，喺魚市場大隻3000円，小的1000円2-3隻。
蟹食放題時間限制在45分鐘，自己食了3隻已飽，應該夠時間多吃壹隻，太太剛夠時間食完三隻。如果大食嘅話，4-5隻應該可以回本。
Yumeminato Tower
去完大漁市場後都是二時左右，距離去機場還有2小時，於是去了附近的Yumeminato Tower行下。入場費300円，外國人半價。
Tower分兩部份，高層的瞭望塔可遠眺米子機場、島根半島、大山、境港市等。中層展覽館有播影室及展館，現時展覽緊中、韓、俄的歷史文物，尚有上述國家加上日本傳統服裝，可供穿著拍照。
米子至香港
去機場之前去了藥粧店及Daiso作最後衝刺，入油前去了機場附近所謂Melody Road，若果汽車以時速40公里駛過道路，輪胎與地面磨擦會發出旋律。
喺機場路口油站入油，加了38公升，5600円左右，行了560公里，即每公里10円，跟以往的差不多。
去到機場還車，路費用了1,680円，加埋租車費28000円，即總共用了36000円左右，即每日HK$630，算不錯了。
米子機場雖然小，但都有幾間商舖及食街，候機室亦有間好細嘅免稅店。飛機準時起飛，提前差不多半小時抵港，完成了島根及鳥取五天自駕遊。
2018 島根及鳥取五天自駕遊 (總結)
沒有留言:
張貼留言