行程：香港至米子
前幾日心裡有點不安，怕超級颱風襲港，是否影響今次行程呢？另一方面家𥚃只有女兒壹人，所以提早作出防風措施，咁多次颱風都是第一次用膠紙貼窗。
今日天氣其實不錯，只有少許煙霞。因為要寄行李及攞Wifi蛋，提前早上10時已抵達機場。現時好多航空公司都提倡自助寄行李，如果已經On-line Check-in，可以用電子登機證或補打登機證，再排隊自行托運行李，整個過程約需20分鐘。
航班准時起飛，大概下午4時半便抵達米子機場。
米子機場機場比較細，除了內陸機外，就只有香港及韓國國際航班。不需10分鐘已辦好入關手續，再等5分鐘已經領了行李。海關就比較嚴格，前面的乘客要打開背包或用手稱下重量，可能與打擊黃金走私有關。
火車站只距離數分鐘路程，是無人駐守，自助買票，去米子站只需240円。由於是周六及每小時只有壹班火車，火車稍為遲了數分鐘到達，但擠滿人所以都攪咗好耐乘客先上囇車。
預定的酒店就在火車站旁，十分方便。將行李放在房間後就出外揾食。火車站對面大街有好多食肆，最後我們選了壹家串燒店，在Aeon Mall就在斜對面。食完晚飯去Aeon買水果及零食。
Aeon唔算大，連藥粧店唔使半小時行完。講開又講，抵達米子機場時有講廣東話的人員派購物袋，裡面有鳥取及島根遊覧資料。
2018 島根及鳥取五天自駕遊 (Day 2)
沒有留言:
張貼留言