世羅ゆり園
今早差不多成個早上都是開車，早餐是在酒店，比較簡單但都夠飽。
由湯田去世羅成200多公里，比上幾日180多公里更長。其中160多公里行經中国自動車道，可能山口至広島之間有道路工程，大部份重型車都改行山陽道，開始10幾公里連車都無。車比較少，就算行經道路工程路段都可以高速行駛，平均速度keep到100左右。
兩個半小時多抵達世羅高原，有幾個睇花的公園，我們選擇了兩個。世羅ゆり園現在花期是百合，田𥚃及溫室棚都種滿百合花，遊人都不少，但大部分都是老年人。
世羅百合園
世羅高原花の森
開車10多分鐘就到，入場費一樣是800円，主打是玫瑰花，從介紹牌嘅數量計起碼過百不同品種，但都是外國的。其中比較特別係現今日本皇后雅子結婚時擺設嘅玫瑰花，現被稱為Masako(雅子）。
世羅高原花の森
千光寺山䌫車
兩時左右已抵達尾道，車就泊在尾道Denim Shop對面嘅停車場。走5分鐘就去到䌫車站，每15分鐘壹班，可坐/站10多人，單程320円。
去到差不多開車，行程只是數分鐘。去到山頂有個觀景台，可以遠眺向島景色，另外壹邊可以看到尾道市立美術館。
由山頂纜車站右邊行落去100米左右，石級都幾斜，女仕穿高跟鞋要小心。沿途都有些文人題詩刻字，充滿文化氣息。千光寺同其他日本寺院，不同是建在山腰上而已。
千光寺
貓之細道 （Cat Alley)
聽說千光寺附近有1000多隻貓出沒，所以呢條200米小徑稱為貓之細道。我認為是老作，因為壹只貓都見唔到，反而有不少貓福石。小徑開頭是千光寺三重塔左邊，盡頭就是纜車站旁嘅神社。
尾道單車設施
好多人來尾道是為了踩島波海道，是本州連接四國唯一可以踩單車的通道，所以尾道市的單車設施好完備。
三年前我由大阪踩來尾道再去四國，是住在壹間由舊貨倉改裝的酒店，內裡有Giant單車店可以租一些高級單車。一般人可以喺停車場地下租普通單車，只是1000円壹天，可以在島波海道沿途随便壹間單車點還車，但1000円押金會沒收。喺尾道火車站亦有另外壹間租車店。
酒店附近亦有不少單車設施，例如有Locker、單車停泊處、洗手間及沖浴的地方，方便市民及遊客使用。
今次是住Onomichi Greenhill Hotel，比剛才提過嘅U2單車酒店平好多。但一樣可以將單車放在大堂或房間中。
尾道步行街及拉麵
5點半就出去行下，睇下有什麼食晚飯的地方。尾道有條商業步行街，但大部分都已經關門，只剩下一些食肆。
來到尾道唔食尾道拉麵好似未來起一樣，喺火車站旁的超市買了點東西，但在旁邊的拉麵店食。尾道拉麵的湯底比其他地方的拉麵有點不同，幾特別。麵上面有些豬油渣，但完全無油膩的感覺。
沒有留言:
張貼留言