原爆Dome及和平紀念公園
食完早餐就去睇下，過馬路行幾分鐘就到，很方便。行過橋對面便是和平紀念公園。公園盡頭便是資料館，由於今次帶了部小布摺車同行，唔方便所以無入去。
http://www.city.hiroshima.lg.jp/chinese/
宮島
退房後開車去宮島碼頭，半小時左右已經到達指定嘅官方停車場，日泊1000円。去宮島坐船有兩間船公司，JR Ferry可以用JR Pass及較接近大鳥居，所以較多人使用。
去宮島船程約15分鐘，落船後隨著人流去嚴島神社，開始見到有鹿仔，但無奈良咁誇張。見有店舖燒広島𧐢，太太試了兩只，味道OK但不算肥美。
宮島官方網站: http://visit-miyajima-japan.com/zht/
嚴島神社
嚴島神社是日本國寶，亦是世界歷史遺產。其中在小中的大鳥居最為人熟悉，由於長期浸在水裡及有人將錢幣攝入木柱內求福引致破壞，今年起開始維修，直至2020年東京奧運重新開放。由於正值水退期間，所以神社不像建在水中，有點失望。
五重塔、千疊閣、表參道午餐
離開嚴島神社，參覌了五重塔及千疊閣。跟著去表參道睇世界最大杓子，原來四月份重新裝修，暫停開放，緣慳一面。喺表參道有幾間食烤広島蠔店舖排哂大龍，我們選擇了其中壹間餐廳午飯。
行李距離不到20公里，車上導航不斷叫右轉上高速。由於時間尚早，幾次不理會GPS指示，最後是沿著国道二號，不到三時已抵達岩国嘅酒店。
酒店是一般嘅觀光酒店，就在錦帶橋旁邊，一泊二食。房間有兩張單人床，而我則打地舖今晚瞓Futon。
岩國國際觀光酒店: https://www.iwakunikankohotel.co.jp/zh-tw/
錦帶橋
同嚴島神社一樣，又係國寶，又係世遺。來回過橋費300円，好似見有套票包上山纜車去山上嘅岩國城，但遙望沒有什麼特式，就不上去了。錦帶橋經過多次重建，對上壹次係上世紀五十年代，均採用傳統工藝重建。
過了橋見有人排長龍買雪糕，味道都唔錯。再往纜車站旁嘅公園行下，有藝人表現馬騮戲，但睇嘅人不多。
晚餐喺酒店宴會廳，味道都不錯。今天是父親節，飲料特定點了梅酒加冰，同太太及女兒一起慶祝。
沒有留言:
張貼留言