NT旅遊及單車部落格

2019年4月2日星期二

Day 4 - 志賀至大阪

日期：2019年3月25日

騎行距離：38KM 總距離：218KM

一早起身，踩5公里後去Sukiya食早餐，然後去浮御堂。

到大津只是10點，搭電車去京都。

原本沿著鴨河踩落大阪，踩了壹段封路，兜兜轉轉搵唔番條河。見有路牌去伏見稻荷大社，踩去睇下。遊客好多，逗留一陣就搭車去大阪。

返回大阪都係點幾，未到Check-in，順便去道頓崛、心斎橋睇下。人太多，連停低架車影相地方差不多無，不過喺大阪鬧市踩車個種左穿右插都幾考功夫。道頓崛距離酒店都成5公里，用導航行條遠少少，無咁多人及車。

太太來咗，晚餐去佢最喜歡嘅利久牛舌

Day 3 - 彥根至志賀

日期：2019年3月25日

騎行距離：86KM 總距離：180KM

今日天氣都幾凍，早上只有3度，唔怪得琴晚差不多著哂所帶嘅衫都打冷顫。今日風無咁大，但迎面有好多蚊滋。今日係過隧道日，總共長長短短有8個，最長差不多1Km。

雙腳無咁攰，但右膝蓋有點痛，發唔到力。

長浜舊街道及長浜城

今天第壹條隧道

湖中鳥居及白鬚神社

喺火車站附近食完晚飯，喺附近公園搭營。

喺公園中的涼亭搭營

Day 2 - 京都至彥根

日期：2019年3月24日

騎行距離：89KM 總距離：94KM

今日踩得幾辛苦，不單止天氣凍，一出京都就有個200米爬坡。可能無做熱身，雙腳發唔到力。

落坡後5-6公里有另外一個爬坡，唔算高但被GPS點咗去行㨗徑，全程沙石路重好斜，部分路段唯有做老漢。落到琵琶湖風又大、又凍，唯有穿多件外套。

大津琵琶湖，好凍風又大

由大津沿著琵琶湖單車俓踩去彥根，路況一般。沿途都有好多公路車，亦見到幾部小布。

計劃中的佐川美術館、近江八幡、彥根城都係睇下，無乜時間逗留。

近江八幡

彥根城

去到計劃中的營地原來無開，見無人又天黑，照搭營。跟著去附近的道路休息站，所有舖路閂哂門，原來休息站都有人搭營。晚餐喺便利店買啲嘢，去完廁所就回營地。

原本計劃今年三月繼續去年東南亞單車之旅，由曼谷踩去柬埔寨的暹粒或金邊，行程600-900公里，需時8-12日。但太座話要去日本睇櫻花，撞到正，所謂Happy Wife Happy Life，唯有將東南亞行程推延至明年。

計劃是提前幾天先到京都，用兩天環琵琶湖，第三天從京都沿著鴨河踩回大阪，行程總共240公里左右。由於只有幾天，會帶部小布過去，方便飛機託運及坐火車。行李只會帶幾日使用的，相信用S Bag已經足夠。第四天由京都踩回大阪，會合太太。

今次有個新的創舉，已經幾十年未試過，就是行程中的兩晚會在湖邊的公園或營地露營，作為日後長途旅行的預演。帶的是RhinoWolf壹人營，只有1.4Kg重，可以在晚間5-10度溫度使用，應該合適。

Day 1 - 香港至大阪、京都

日期：2019年3月23日

騎行距離：5KM 總距離：5KM

晨早CX機去大阪，提前壹晚叫定車。

去到Check-in櫃台無乜人，連單車及行李只有20kg。上機前買杯咖啡飲及食少少嘢。飛機係A350，全機滿座，有好多老外。

日本時間12點幾已經抵達關西機場，唔夠半個鐘已經攞埋行李去JR買車飛。預先登記咗優惠票，Haruka+ICOCA咭只是3600日元，包壹張單程去京都及1500日元增值咭。用咗半小時排隊，出來見重有幾分鐘有車開，一支箭冲落月台，拖著個20Kg嘅袋都幾辛苦。

酒店在五条附近，京都火車站坐的士約10分鐘。

上到房第一時間打開個袋，部車無乜事。組裝、打胎氣後凖備踩去花見小路試車。人太多，踩了半小時就返回酒店。

京都花見小路

2019年4月2日 星期二