行程：鳥取花迥廊、松江城堀川遊覧船、出雲大社、玉造溫泉
所住的Yanago Harvest Hotel就在火車站旁，房間對住火車廠，晚上不太嘈。早餐是在酒店進食，跟著便往火車站斜對面攞車。曾經喺網上格過好多價，有平有貴，始終選擇用Nippon Rental，用會員價同其他租車網站差不多。有些網站價格稍平，但必須使用它的保險及ETC咭，怕有事麻煩。今次提供了壹台Honda Fit，係廣島車牌有點怪。
講開又講，同壹個香港少女都幾有緣。喺香港機場一齊打登記証，睇打扮重以為是日本人。飛機上又坐同一排，又一齊坐火車去米子。今早去攞車時喺街上又碰到原來佢坐巴士去花迥廊，當然喺花迥廊又碰到她。
 |
| 扇形火車庫，已很罕見，上次只在台灣彰化見過 |
鳥取花迴廊
花迴廊在米子郊區，開車10多公里便抵達。公園入場費1000円，出示護照遊客半費。可能不是季節，盛開的花不多。公園不大，大概壹小時就足夠，包括坐15分鐘小火車環遊公園壹周，費用300円，坐完重可以攞番盆花返屋企。
松江城堀川遊覧船
10時半就離開，開車去30公里左右的松江城。由於今天是周日，等待了10分鐘才可以入停車埸。乘船處就在停車場旁邊，成人1230円，外國遊客只需820，需時40分鐘左右。
壹條船可以坐10-12人，沿著松江城旁邊的小運河行駛，船伕一路講解，又唱民謠。最特别之處在於通過好低的橋時，船蓬是可以降低，乘客就要彎腰。
停車場對面有賣手信、土特產、公藝品店鋪、可以逛逛。
 |
| 通過較低橋底時，船蓬要建低 |
八雲手打蕎麥麵
喺松江遊船河完了只是12時半，決定去到出雲先食午餐。用了超過壹小時才抵達出雲大社，排隊入停車場都用了20分鐘。
島根縣的出雲蕎麥麵是日本三大蕎麥麵之一，其中的三色割子蕎麥麵，三種不同口感的蕎麥麵混搭堆疊，非常美味且獨特。 八雲手打蕎麥处本店就是在出雲大社內，我們等位用了15分鐘，上菜用了30分鐘，但15分鐘就食完。
出雲大社
出雲大社就在食蕎麥麵店旁，隨便走壹圈半小時已走完。四時便開車去玉造溫泉。
玉造溫泉
大概從出雲大社開車大半小時已抵達。沿著温泉街的小河兩邊大多是溫泉酒店或湯，河中亦有免費足湯，温度不高，所以無一般溫泉街熱汽處處那種景象。
 |
| 呢條紅橋又叫戀人橋 |
 |
| 河上有免費足湯，溫度不高 |
原本是去壹家烤肉店晚餐，但找了一段時間都找不到，原來是漏水裝修，暫停營業，烏燈黑火行過都唔知。可能係周日，去了不少餐廳都是満席，卒之有間食海鮮可以等位，都要等大半小時先可以入席。
可能日本人平時好拘緊，周邊幾枱年輕人晚上同朋友一起都大聲講，大聲笑，重一路抽煙。埋單只需6600円，比香港平。
2018 島根及鳥取五天自駕遊 (Day 3)
