[ 2024 英國及荷蘭自由行 ] [ 總結篇 ] [ 行程、景點、費用 ]

 

[ 2024 英國及荷蘭自由行 ] [ Day 24 - London to Hong Kong ]

今天下午5時的航班返回香港，朋友11點半到酒店開車送我們去機場。由於酒店對開的馬路是禁區不能停車，我們要拿著行李行數分鐘上車。

中午在機場附近跟朋友飲茶

去機場前我們去附近的中式酒樓飲茶，全間酒樓只有我們壹枱。點心種類不多，份量較細，價錢亦比Colindale的金龍軒貴，味道尚算可以。

個單車箱當作超大行李處理

逛完商店後去lounge坐下

由酒樓開車大約5分鐘便抵達T3，我們有3個行李，其中單車箱雖然少於150cm，仍然要作超大行李處理。排隊過安檢10多分鐘，出來便是免稅店、商店、食店。成個商場咁，面積都幾大，中間有座位都好多人坐。

我們行了一會買了些東西便去國泰lounge坐下，由於剛飲完茶，只是拿了些飲品及水果吃，好多人叫湯麵及點心當午餐。Lounge其實離登機閘口有10-20分鐘，坐了個多小時等知道登機閘口號碼之後，便提前少少行過去。

起飛後個多小時開始吃晚飯

上了廁所已差不多可以入閘，飛機係A350，同來的時候一樣。飛機稍為延遲了40分鐘超飛，飛行大約12個鐘便抵達香港。起飛之後個多小時便開始發晚餐，機艙服務員的服務都不錯。

抵達香港前兩小時吃早餐

雖然飛機都飛得很平穩，睇完場戲就瞓覺，但只能瞓幾個鐘。食完早餐飛機就準備降落，大約香港時間12點半左右返到香港。 出到來攞行李只係稍等幾分鐘就到齊，推行李去搭的士，2點左右便返抵屋企，完成了英國及荷蘭24日的旅程。

[ 2024 英國及荷蘭自由行 ] [ Day 23 - Harrods, Regent Street, Oxford Street & Notting Hill ]

今日係最後壹个全日喺倫敦，計劃去逛街血拼。首先搭地鐵去Knightsbridge的Harrods，雖然知道是賣貴價貨，但仍然值得行下及看下𥚃面的裝修，特別是central escalator的埃及式裝飾，可能老板是埃及裔有關。

Harrods 百貨公司

地牢那層有些Harrods主題的手信出售，我們買了兩個袋比屋企人。其中有部份朱古力是半價，但我們沒有太大興趣。

地牢售賣紀念品的角落

中央埃及式裝修的扶手電梯

倫敦文華東方酒店

地下那層主要是售賣化妝品及食品，其中部份化妝品套裝有半價，有個大陸女人一下子就掃了10多套，唔知是否做代購呢？Food Hall那邊都好吸引，但都係高糖份東西，真係有得看無得食。

中午在唐人街吃午餐

中午搭地鐵去唐人街食午餐，現時唐人街已經無港式茶餐廳，這間「八大八小」只係港式餐廳，沒有我至愛沙爹牛肉麵，唯有叫沙爹牛撈丁代替。

Regent Street 攝政街

食完飯沿着Regent Street行去牛津街，很多東西不是太貴就係香港都有，只係齋睇不買，最後在間健康產品店買了些食品，然後返回酒店休息下。

Portobello Road 市集

傍晚搭地鐵去Portobello Road，電影Notting Hill的拍攝地，由Hugh Grant及Julia Roberts主演。去到road market的攤檔好多已經開始收檔，可能是星期一及落雨有關。

電影主要拍攝場地

男主角住所的大門

好多遊客都是為上述影片拍攝場景而來，包括不同顏色的住宅、主要場景所的書店、男主角住宅的藍色大門等。

最終找了這間酒館吃晚飯

睇完搵了間酒吧吃飯，網上評分都幾高，除了飲品外我們叫了壹台海鮮拼盤及牛扒。味道不錯，而家賣相好好，只是價錢有點貴。不過這是今個旅程最後壹頓在倫敦嘅晚飯，貴少少都無所謂，只要食得開心就可。