顯示具有
2019 Setouchi Islands Hopping Cycling (瀬戸内跳島騎行) 標籤的文章。
顯示所有文章
顯示具有
2019 Setouchi Islands Hopping Cycling (瀬戸内跳島騎行) 標籤的文章。
顯示所有文章
今治至吳市
譬行距離：55公里
今治至岡村島至御手洗町
一早食早餐，執拾好行李就踩去碼頭，重有大半個鐘先開船。呢班船開8:25，可以載車及人，船費大人750円，單車190円。如果上不了這班船就要等9:30的快速船。
船上總共有四台單車，應該都係踩飛島海道，途中及差不多到吳市時都撞到他們。
由岡村去御洗手町要經過三條橋，高度只有20多米，難度不高。
 |
| 岡村島大橋 |
 |
| 広島及吳市分界線 |
御洗手町
今次踩飛島海道，無特別話要去什麼景點，淨係去了御洗手町。御洗手町係歷史保護地區，保留了江戶時代嘅老房子。有部日本卡通片亦以此為背景，更為人所認識。
御洗手町至安芸灘大橋
差不多有30公里，但都幾辛苦。一來食正西北風，龜速而行，迎面而來嘅RB友就爽啦；二來豊島大橋及安芸灘大橋上橋路好斜，目測超過15度。有RB友上到一半都要搖車，我部小布加行李咁重，要2-3腳先上到去。
 |
| 豐島大橋 |
 |
| 安雲灘大橋 |
安芸灘大橋至吳市
由安芸灘大橋落來就轉入国道185去吳市。20多公里其中一半喺沿著海邊，雖然無行人路要踩馬路，但所有汽車都好忍讓。
穿過壹條好長隧道後就抵達吳市外圍，碰到今治同船兩個RB友，佢哋都好愕然。選擇吳市落腳有原因，一來吳市距離広島約30公里，但都是踩馬路，唔想踩。二來想參觀下大和博物館。
二點幾抵達酒店，上房抖下就沖個涼，凖備去博物館，跟著去火車站附近嘅Daiso買包裝材料，順便check下明天去機場嘅巴士。
大和博物館
吳市係日本造船重地，亦是二戰日本號稱不會沉沒嘅大和號戰艦嘅誕生地。二戰末期，美軍佔領了沖䋲，準備進攻日本本島。當時日本所有嘅航母已經被擊沉，日本孤注一擲，派遣所有剩餘戰艦去冲繩迎擊美軍。大和號同大部分戰艦喺鹿兒島對開日本海被美軍戰機投擲嘅炸彈及魚雷擊沉。
博物館入場費800円，可以租借中文或英文慨語音講解器。整個參觀約壹小時，博物館旁有自衞隊海軍資料館亦可以參觀。
吳市比前两日嘅尾道及今治繁榮好多，可能同造船業及接近広島有關。
所住的酒店在火車站附近，房費都比尾道及今治貴，建在兩座住宅大廈中間，打開窗完全無景點。
晚餐喺火車站嘅餐廳食定食，連稅1,080円。
瀬戸内跳島騎行 Day 4
